Yr ystafell wely yw'r rhan o'r tŷ sy'n fwyaf cysylltiedig ag ymlacio a gorffwys.
Ydyn ni wedi dod o hyd i ystafell heb rifedd o'r diwedd?
Neges y gweithdai hyn yw bod mathemateg yn bresennol bob amser, hyd yn oed yn yr ystafell wely. Dewch i ni edrych ar ambell enghraifft.
Prif swyddogaeth y rhan fwyaf o ystafelloedd gwely yw bod yn lle diogel a chyfforddus i ni gysgu.
Yr argymhelliad yw ein bod ni'n ceisio cael tua wyth awr o gwsg y noson.
Dyma enghraifft arall o reoli amser.
Os oes angen i chi ddeffro erbyn amser penodol a'ch bod chi'n awyddus i gael digon o gwsg, faint o'r gloch y dylech chi fynd i'r gwely?
Ar ryw bwynt yn eich bywyd, bydd yn rhaid i chi siopa am ddillad gwely. Beth yw maint eich gwely?
Yn ffodus, mae yna feintiau gwely safonol a gwerthir y rhan fwyaf o ddillad gwely yn y meintiau hyn. Fodd bynnag, os ydych chi'n un sy'n hoffi planced, bydd angen i chi wybod maint y gwely mewn metrau a centimedrau.
Wynebir mater rhifedd gwahanol gan ddefnyddwyr duvet - Sgôr tog
Beth yw tog?
Daw duvets mewn meintiau gwely safonol ond mae iddynt sgôr tog hefyd. Mae Tog yn golygu Thermal Overall Grade; sy'n fesur o ba mor dda mae'r duvet yn dal gwres. Po uchaf y tog, y cynhesaf yw'r duvet.
Gan fod pobl yn tueddu i gadw eu dillad neu wisgo yn yr ystafell wely, penderfynwyd ychwanegu'r adran hon.
Mae'n bosib eich bod chi wedi dyfalu'r cysylltiad rhwng rhifedd a dillad - meintiau.
I blant, mae'r meintiau'n eithaf syml fel arfer, gan fod meintiau'n cyfateb i oedran.
Ond wrth i chi fynd yn hyn, daw maint dillad yn fwy cymhleth. Bydd angen i chi wybod neu allu mesur hyd, taldra a lled y corff.
Ffyrdd eraill y defnyddir rhifedd yng nghyd-destun ein cypyrddau dillad yw canfod sawl gwisg gyflawn wahanol y gallwch ei rhoi at ei gilydd heb wisgo'r un cyfuniad ddwywaith - dyma ddefnyddio cyfuniadeg mewn bywyd go iawn.
Dengys y ddelwedd uchod y gall 3 gwahanol dop a 4 gwahanol waelod gynhyrchu 12 gwisg gyflawn wahanol.
Ydyn ni wedi anghofio am rywbeth?
Os do, yna rhowch wybod i ni drwy yrru neges i nar25@aber.ac.uk.