Dyma arweiniad cam wrth gam i wneud gêm pêl rodli (sef paddle ball game yn Saesneg) yn Scratch. Gallwch fynd ati i gwblhau'r heriau (os ydych yn brofiadol iawn), ceisio gwneud yr heriau drwy ddefnyddio'r awgrymiadau (defnyddwyr canolradd), neu ddefnyddio'r tiwtorialau fideo (dechreuwyr).
Rydych angen meddalwedd Scratch ar gyfer y gweithdy hwn. Mae hwn ar gael am ddim yn eich porwr neu fel rhaglen/cymhwysiad bwrdd gwaith. I gael gwybodaeth am y meddalwedd a'r wybodaeth berthnasol, ewch i scratch.mit.edu
Os ydych yn newydd i Scratch, byddem yn eich cynghori i edrych ar y gweithdy gêm ofod sylfaenol yn gyntaf.
Lanlwythwch ffeil Scratch newydd a dilëwch y corlun (sprite) cath rhagosodedig er mwyn rhoi prosiect cwbl wag i chi cyn dechrau ar yr heriau.
Y nod yn rhan gyntaf yr heriau yw eich helpu i ail-greu strwythur gêm sylfaenol fel y dangosir isod.
Dewiswch gyflymder a gwasgwch y bylchwr (spacebar) i ddechrau'r demo.
Gwnewch gorlun pêl a fydd yn bownsio i fyny ac i lawr y sgrin yn gyson pan fyddwch yn pwyso ar y bylchwr.
Dewch i greu padl sy'n teithio i'r chwith ac i'r dde, yn dilyn y llygoden, yn ymyl gwaelod yn sgrin
Bloc sgript ar gyfer symud
Bloc sgript i stopio'r cylchdroi
Rhaglennu'r bêl i 'fownsio' oddi ar y padl
Bydd angen i chi ychwanegu'r blociau cod isod i sgript y bêl
Mae'r gêm angen brics sy'n diflannu wrth gael eu taro gan y bêl
Bydd angen i chi roi'r blociau cod isod at ei gilydd i lunio'r sgript ar gyfer bricsen
Cyflwynwch system sgorio sy'n codi bob tro y mae bricsen yn cael ei 'dinistrio'. Defnyddiwch hwn hefyd i bennu diwedd y gêm unwaith y bydd yr holl flociau wedi'u dinistrio.
Bydd yn rhaid i chi ganfod y llefydd cywir i gynnwys y blocio cod isod
Rydym angen llithrydd newidyn (variable slider) i osod cyflymder y bêl ar gyfer y gêm.
Bydd angen i chi ddefnyddio'r blociau isod i gwblhau'r her hon.
Dylai'r chwaraewr gael 3 bywyd. Mae angen dangos y rhain yn y gornel chwith isaf a dylid colli un bywyd bob tro mae'r bêl yn taro gwaelod y sgrin. Dylai'r gêm ddod i ben pan fydd pob bywyd wedi'i golli.
Bydd angen i chi ddod o hyd i gartrefi addas gyda sgriptiau i'r blociau isod:
Ar ôl cwblhau'r sgriptiau sylfaenol ar gyfer gêm pêl rodli sy'n gweithio, mae'n bryd ychwanegu ychydig o gyffyrddiadau i'w gorffen a'i phersonoli.
Dyma restr o bethau y gallech ystyried eu gwneud:
Gwnewch i'r bêl fownsio yn fwy realistig oddi ar y padl a'r brics.
Yn her 3 gwnaethom i'r bêl 'fownsio' oddi ar y padl, y ffordd hawsaf i wneud hyn oedd newid y cyfeiriad yn ôl gwerth penodol. Nid oedd hyn yn ail-greu bownsio realistig fel yr un a welwyd pan oedd y bêl yn taro'r ymylon. Felly sut gallwn ni gywiro hyn?
I wneud hyn bydd angen i ni newid y symudiad 'troi' a rhoi bloc 'pwyntio i gyfeiriad' yn ei le. Yna gan ddefnyddio bloc gweithredwr, gosodwch y cyfeiriad i 180 - 'cyfeiriad'.
Y broblem nawr yw y bydd y bownsio yn realistig, ond bydd y bêl yn mynd yn sownd yn hawdd ar lwybr penodol. I gywiro hyn mae angen i ni newid y bloc fel ei fod yn darllen:
Pwyntio i gyfeiriad 180 - cyfeiriad + dewis ar hap -10 i 10
Ping-Pong
Nawr eich bod wedi cwblhau'r gweithdy hwn i greu gêm bêl rodli (paddle game) eich hun, dylech allu mynd â'r hyn rydych wedi'i ddysgu a'i ddefnyddio i greu eich fersiwn eich hun o 'Pong'.