Beth sy'n gwneud Entrepreneur?

Sgiliau angenrheidiol

Mae gan entrepreneuriaid llwyddiannus nifer o sgiliau manteisiol. Gall y rhestrau a ddarperir gan wahanol ffynonellau ymddangos yn llethol, felly rydym wedi llunio rhestr fer o'r nodweddion mwyaf cyffredin a gysylltir ag entrepreneuriaid.

• Arloesol - syniadau a dulliau o weithio sy'n newydd neu'n wahanol
• Trefnus - Gallu rheoli amser ac adnoddau yn llwyddiannus
• Cymryd Risgiau - Parodrwydd i gymryd cyfleoedd lle y gallech golli popeth
• Penderfynol - Yr ymroddiad i wireddu syniadau. Bod yn barod i neilltuo llawer o amser ac egni i brosiect.
• Arweinyddiaeth - Mae gwahanol fathau o arweinydd ac mae angen i chi benderfynu beth sy'n gweithio orau i chi a'r busnes
• Gwneud penderfyniadau - Gallu gwneud dewisiadau da a hyderus o dan wahanol fathau o bwysau.
• Lwcus - Yn aml iawn, mae lwc yn chwarae rhan yn llwyddiant entrepreneur - er y byddai rhai'n dweud nad lwc mohono, ond parodrwydd i gymryd risgiau ar sail ymchwil drylwyr.

Yr hyn na restrir uchod yw'r gallu i adnabod eich gwendidau eich hun. Mae hyn yn hanfodol i sicrhau eich bod yn recriwtio partneriaid neu staff sy'n gallu ymdrin â'r meysydd hyn ar eich rhan.

Ymarferiad

Edrychwch ar y rhestr sgiliau uchod. Ystyriwch eich galluoedd eich hun yn ofalus ac yn onest.

• Pa rai o'r nodweddion sydd gennych chi?
• Pa rai o'ch sgiliau yw'r gwannaf, neu nad ydynt gennych o gwbl?
• Sut allech chi wneud iawn am hyn?
• Meddyliwch am eich teulu a'ch ffrindiau a cheisiwch feddwl pwy allai roi'r cymorth mwyaf i chi yn y meysydd lle'r ydych chi wannaf?